Ağız sağlamlığının ümumi sağlamlıq vəziyyətimizə necə təsir edə biləcəyi barədə düşündünmü? Ağız boşluğunun pis gigiyenası təkcə ağızdan pis qoxu gəlməsinə və ya dişlərin və diş ətinin sağlamlığı ilə əlaqədar problemlərə, məsələn, gingivit, periodontit və stomatitə səbəb olmur. Ağız boşluğunun pis gigiyenası həm də ürək xəstəlikləri, şəkərli diabet və digər xəstəliklərlə sıx əlaqəlidir. Beləliklə, ağız boşluğunun sağlamlığının qayğısına qalmaq həm ümumi sağlamlıq vəziyyətimizə, həm də əhvalımıza və həyatdan nə dərəcədə zövq almağımıza təsir göstərir. Ağız boşluğuna mütəmadi və düzgün gündəlik qulluq iltihab ocaqlarının sayının və diş əti xəstəliklərinin artmasının qarşısını almağa imkan verən həlledici amildir.

Boğaz ağrısının ailə həkiminə müraciət etmək üçün ən çox rast gəlinən səbəblərdən biri olduğunu bilirsənmi? İlk növbədə, adətən, boğazda iynə batması və ya cızılma hissi meydana çıxır, bu hisslər ağrı və udmanın çətinləşməsi, eləcə də səsin xırıltılı olması ilə müşayiət oluna bilər. Bu simptomlar çox zaman bədən temperaturunun yüksəlməsi ilə müşayiət olunur. Bu əlamətlərin törədiciləri əsasən, insanın udlağında mövcud olan müxtəlif viruslar və bakteriyalardır, onlar müxtəlif amillərin təsiri altında çoxalmağa başlaya və xəstəlik törədə bilərlər.
Boğaz ağrısı, orta hesabla, 3-7 gün davam edir. Boğaz ağrısının müalicəsi üçün bitki çayları – çobanyastığı, adaçayı, gülümbahar, habelə tərkibində bal və boğaz ağrısının azaldılması üçün dərman vasitələri olan məhsullar istifadə edilə bilər. Lakin əgər boğaz güclü dərəcədə iltihablaşmışdırsa, onu qarqara etmək lazımdır.

İlin isti vaxtlarında həyatımızın ritmi daha fəal olur. Biz həm iş günlərində, həm də bayramlarda, eləcə də idmanla məşğul olarkən təmiz havada daha çox vaxt keçiririk. Həyatın fəal ritmi çox vaxt diqqətsizlik nəticəsində yaranan müxtəlif vəziyyətlərlə müşayiət olunur ki, bu da xəsarətlərin – sıyrıqların, müxtəlif ölçülü yaraların və yanıqların baş verməsinə imkan yaradır. Xəsarətlərin bir hissəsi həkimlərin səlahiyyətlərinə buraxılmalıdır, lakin bəzi yaralar ev şəraitində müalicə edilə bilər. İstənilən yara düzgün işlənilməlidir – qanaxmanı dayandırmaq, yaranı antibakterial vasitə ilə işləmək və sarğı qoymaq lazımdır. Antibakterial vasitə nəinki xırda yad cisimlərin yuyulub kənarlaşdırılmasına kömək edir, həm də infeksiyanı müalicə edir, onun inkişafının qarşısını alır. Fəal istirahət zamanı özünüzü arxayın hiss edin!