Si të reagojmë ne rast djegiesh?

Kush nuk është djegur nga dielli apo nuk ka prekur padashje një enë të nxehtë?! Nuk është e vështirë të prekesh nga djegiet e lëkurës, sepse shkaktarë djegiesh ka kudo: uji i nxehtë, avulli, objektet e nxehta, flakët, kimikatet, elektriciteti dhe po ashtu qëndrimi në diell për nje kohë të gjatë mund të çojë në djegie të lëkurës.

Djegiet mund të jenë sipërfaqësore, pjesërisht të thella dhe tërësisht të thella. Është i rëndësishëm përcaktimi i shkallës së djegies, pasi prej saj varet metoda e trajtimit.

• Djegiet sipërfaqësore, si djegia nga dielli - lëkura e djegur skuqet, ënjtet, është e ndjeshme, ka raste kur shoqërohet me dhimbje. Përgjithësisht marrin 3 - 6 ditë kohë për t’u shëruar dhe nuk lënë shenjë. Këto lloj djegiesh mund të trajtohen lehtësisht në kushte shtëpie.
• Djegiet me thellësi të pjesshme janë më të rënda se djegiet sipërfaqësore. Zona e djegur ka dhimbje dhe mund të shfaqen flluska të mbushura me lëng. Këto lloj djegiesh mund të shërohen pa lënë shenjë, por lëkura e zonës së djegur merr ngjyrim më të errët ose më të hapur. Përgjithësisht, djegiet nuk janë më të dukshme për 1 - 3 javë kohë. Në raste jo të rënda këto djegie mund të trajtohen në kushte shtëpie.
• Djegie me thellësi të plotë - lëkura e djegur mbulohet me cipë të bardhë në gri, nuk ka dhimbje. Këto djegie nuk shërohen pa ndërhyrje kirurgjikale dhe lënë shenjë. Duhet të këshilloheni me specialistin.

Drejtojuni menjëherë specialistit nëse:

• Djegia ka prekur fytyrën, pëllëmbën ose gishtat, zonën përqark organeve gjenitale, këmbët;
• Djegia prek zonën e artikulacioneve;
• Djegia është e thellë apo më e madhe se 7 cm në diametër;
• Djegia prek gjithë zonën përreth qafës, trupin apo një gjymtyre;
• Djegie ka pësuar një fëmijë nën 5 vjeç ose një i moshuar mbi 60 vjeç;
• Ka shenja të infeksionit të lëkurës, si: skuqje të tepruar, dhimbje, rrjedhje qelbi, temperaturë trupore mbi 38 °C.

Djegiet e vogla dhe sipërfaqësore mund të trajtohen në kushte shtëpie. Fillimisht, zbuloni plagën e djegur dhe shpëlajeni me ujë të freskët. Lëkura e djegur duhet freskuar me kompresa të ftohta, lëkura e djegur mund të lihet në ujë të ftohtë të rrjedhshëm (jo të ngrirë) për rreth 10 - 15 minuta: ul dhimbjen dhe madhësinë e djegies, por në rastet e një djegie kimike, zona e prekur mund të mbahet në ujë të rrjedhshëm edhe 20 - 25 minuta.

Për të shmangur infeksion prej djegies, përdorni produkte antibakterial për dizinfektimin e lëkurës, si Furasol i tretur në një gotë me ujë: preparati përdoret për trajtimin e lëkurës 1-2 herë në ditë. Në ndryshim nga preparatët që përmbajnë alkool, Furasol nuk shkakton irritim, për pasojë rekomandohet në trajtimin e djegieve sidomos kur lëkura është veçanërisht e ndjeshme.

Nëse zhvillohen flluska pas djegies, duhet të bëni kujdes të veçantë, sepse shtohet mundësia e infeksionit. Nëse flluska është e shpuar ose çahet vetë, lëkura duhet trajtuar me Furasol; largon trupat e huaj nga plaga dhe trajtimi i lëkurës duhet të vazhdojë si mësipër 1-2 herë në ditë. Kjo do të parandalojë infeksionin dhe ndihmojë ripërtëritjen e lëkurës.

Nëse keni shumë dhimbje, përdorni barna qetësues (si ibuprofen, paracetamol). Në rastet kur dhimbja nuk lehtësohet pas përdorimit të barnave, drejtojuni mjekut.

Për të evituar djegiet, janë të rëndësishme disa masa paraprake:

• Mbani qirinjtë, shkrepset, çakmakët larg fëmijëve;
• Evitoni duhanpirjen;
• Evitoni vendosjen e objekteve të nxehtë (si enë gjelle, tigan, drejtues floku, hekur) në anë nga ku mund të rrëzohen ose ku një fëmijë mund t’i arrijë;
• Mos lejoni fëmijët t’i afrohet sobës dhe vendeve me zjarr kur këto të fundit janë në përdorim;
• Para se të dilni në diell përdorni në masë kremra mbrojtës;
• Shtoni Furasol në kutinë e ndihmës së shpejtë të shtëpisë suaj.